Tagmaţţ
Anidaten ? neţţnaditen,
a nesawal neh’wağğiten,
negredd tiγri,
andda akkw llan ad as slen,
mi dd tebbwed’ tizi n-t’iq,
andda llan a dd-siwd’en,
tiγri n-tegmaţţ ar d-as nesel,
di mkkul amkkan i deg a nilli,
a nseγres yakkw snasel,
a dd-ncerreg lebh’ar d-igenni,
az’ar yella yid-nneγ d-arfiq,
et’fet tisas, lembbat γurwen,
mi dd tebbwed’ tizi n-t’iq,
aqlaγ γer yidis nwen,
ayasa saεd, ayasa,
ullac igg cban asa…
nezgga nleh’u mebbla akukru,
zik naγ tura ur nkennu,
ansi i dd-tekka taluft,
akken i dd-teg a-ţţ-nernu,
yefkayeγ-dd udrar-nneγ,
ayen is nrefd aqaru,
si zik ur yelli lxuf deg-nneγ,
mačči asaggi at i dd-nesnulfu,
yal tiyita tekka sγur-nneγ,
nqubel si yal daεewsu,
aberanni yesla yis-nneγ,
siwa akkw d-lhiba i nleh’u,
lhiba bb-wedrar-nneγ,
yeğğayaγţţid a-ţţ-nesεu,
ayasa saεd, ayasa,
ullac igg cban asa…
kkul mi sawd’en γer lebγi nsen,
kkul mi teh’la tdukkli nsen,
a dd-yas kra ay zraεn,
taεdawt ger-asen,
neţţuγal ansi dd-nekka,
nh’ulfa s-tegmaţţ tud’en,
… lhem yekkfa,
wayed’ a dd-yellal andda nid’en,
yir tamuγli felleγ tezgga,
akka i dd-nann wid dd-isawd’en,
xas asaggi mazal tella,
a nsebdded widak yecd’en,
i wayen igg εeddan necfa,
a ndawi tagmaţţ yud’nen,
ayasa saεd, ayasa,
ullac igg cban asa…
nella nud’en, neh’la yiswen,
nefreh’ nerna s-tdukkli nwen,
imi nez’ra nerz’a daεewsu,
id aγ yuwten,
mi tεedda tizi n-t’iq,
a ndawi tagmaţţ yud’nen,
mi ţţ i dd-nemger, wiyed’ bbwin,
neţţwakkellex si zik nez’rat,
s-tegmaţţ kra bbwayen yemγin,
ma d-lqella n-tegmaţţ tenγet,
asa tegmaţţ ur teţţceqiq,
imi nez’ra ayen i daγ yuγen,
mi tεedda tizi n-t’iq,
a ndawi tagmaţţ yud’nen,
ayasa saεd, ayasa,
ullac igg cban asa…
Lounis Ait Menguellet
Transcription : Icerfan
