Ay a frux ifirelles
A k-cegaagh awi-d tsbut
Aali di tignaw ghewwes
Awi-yi-d lexbar n tmurt

Abrid-ik yedhar' iban
Deg-genni iqerb umecwar'
Ghar Sidi Abd Rrahman
A lwali i yqublen labhar
In-as i bab n lber'han
Aql-agh di lghwerba nent?ar
Sellem ghef leh'bab akken llan
Am-massa ncallah ar nemzar'

Aali di tignaw rehh'el
S yenna truh'ed' qbala
Ar tmurt n leqbayel
Zuri-ts-id akkw s ljemla
Idurar akkw d sswah'el
Laazayeb tuddar lexla
Sellem ghef wid-enni nh'emmal
Yal yiwen anda yella


Zwir si Draa Lmizan
Hewess kra yellan d lhuma-s
At-tadid ghef izemran
Tiniri t-tghuzza wmecras
At-tefghed s Agwni G-geghran
Lhara-nnagh rrzu fell-as
Sellem ghef lehbab akan llan
Ghass at-tensed din yibbwass

Kemmel s adrar n Jrejra
Naaqal aali d asawen
S yenna truhed qbala merr?a
At Wasif d Icerridan
Ath michli d Tizi N Criaa
Akken I d-mqabalen
Sellam ghef lehbab merra
D ssadatt Igawawen

Dil akinna gher Mayu
Ah Yala d Bni Mensur
Tazmalt At Abbas Aqbu
Sidi ?ic Wad Amizur
Hader win i t-ttajjad cfu
Zuri-ten akkw yelha ttfakur
S-yen gher Bgayet jbu
Guraya ig-g?ussen lebhur

S-yenna dil-ed s Ibehriyen
Rrif rrif n lebhar
Dehm-ed Tamgut Alayen
Azazga d Bni Ijjar
Meklaa d Ath Yiraten
Gher At Yani iqerb umcwar
Sellem akkw ghef yehbiban
Tzured?Ccix Muh Ulmexttar

S-yen zegr-ed s Iwadiyen
Ghur-ek a-k-aarqen iberdan
At Aaysi akkw d Ihesnawen
Akkw d Wakal Aberkan
Tizi Wezzu d Balwa aalayen
Wagennun akkw d ljiran
S-yenna dehm-ed s Iflissan
Awi-yi-d lexbar yellan.

Da Slimane Azem

source : http://www.slimane-azem.com/forum/viewtopic.php?t=68

Mouh-Aamrane